調查員︰「華先生你好，我是乜乜公司嘅，多謝你上次接受調查，宜家我哋
在兩個星期前，華娃曾接獲一個乜乜公司嘅「電話調查」，在
下抱著與人方便下接受了調查。以下為電話裏的對話內容︰
調查員︰「先生你好，我係乜乜公司嘅電話調查，方唔方便阻你一分鐘做個電
話調查呢？」
華娃︰「都 OK 嘅，不過要快 D 喎。」
調查員︰「多謝你，請問你今年幾大呢？」
華娃︰「中年啦。」
調查員︰「咁你每月要打幾多分鐘 IDD 到國外呢？」
華娃︰「我唔須要打 IDD 到國外架。」
調查員︰「咁你屋企有幾多個成人同住呢？」
華娃︰「5 個啦（亂講）。」
調查員︰「咁你屋企 5 個成人嘅總收入係幾多呢？」
華娃︰「唔方便講喎。」
調查員︰「唔緊要，呢個電話調查已經完成，多謝你合作。為咗記錄今次調
查，請問你貴姓呢？」
華娃︰「姓華啦（亂講）。」
調查員︰「華先生多謝你接受調查，拜拜。」
收線後感覺是個好無聊的「電話調查」，華娃亦很快已把它遺忘。
幾日前華娃再接獲來電，原來是與上次的「電話調查」有關，
以下是電話裏的對話內容︰
誠意送上一份三個月嘅免費保險比你，只要你作簡單登記，呢份保 單就會即
時生效，請問華先生嘅全名係……。」
華娃︰「保險？保 D 乜架？保額幾多呀？」
調查員︰「華先生呢份保險好全面架，又係免費嘅，只係填 D 個人資料就得
喇，你住係邊區呀……？」
華娃︰「唔駛喇，世上冇咁大隻青蛙隨街跳架。」
調查員︰「華先生係真架，只係填 D 個人資料就搞掂喇，完全免費架，三個
月後保單自動終止，最啱成日返大陸嘅人……。」
華娃︰「唔駛喇，保險我已經買咗，唔駛再買喇。」
華娃不等對方答話已自行將電話收線。
今天華娃再接來電，內容如下︰
調查員︰「華先生你好，我是乜乜公司嘅，多謝你上次接受調查，宜家我哋
誠意送上一份禮品比你，唔知你幾時得閒上嚟我哋公司領取呢？」
華娃︰「禮品？乜嘢嚟架？」
調查員︰「係我哋公司嘅小小心意，宜家就同你登記吖……。」
華娃︰「乜嘢禮品嚟架？你哋公司開善堂架？成日送嘢比人嘅？」
調查員︰「咁又唔係嘅，你响街度接受訪問後都有包紙巾送番比你啦。」
華娃︰「你唔係送番包紙巾喎，而係送一箱紙巾比我喎，」
調查員︰「如果你無時間上嚟我哋公司嘅，我哋可以派人送比你嘅，咁你住邊
區吖？同你登記地址……。」
華娃︰「嘩！你宜家唔只送一箱紙巾，而係送一間紙巾廠比我呀。」
當時電話傳出掛線聲，終止了雙方對話。