騙子中港通

    近日華娃閒遊深圳後由福田口岸返港，途經聯檢樓門口時，突然有一名

中年男子走近並向我打招呼，華娃當時心感奇怪並向該名男子打量，感覺對

方有事相求，於是稍為放慢步伐靜觀其變。


    該名中年男子身材中等、短髮、身穿深色外套、牛仔褲、波鞋、操流利

粵語，以下為該男子與華娃的對話︰



男子︰呢位先生請問你係唔係香港人呀？


華娃︰係！有乜事呢？


男子︰係咁嘅，我都係香港人嚟架，係元朗住嘅，我今朝過嚟深圳，之後發

覺唔見咗回鄉咭，唔知你可唔可以幫吓我呢？（佢當時在身上取出一張香港

身份證在我面前一晃便收回袋中）


華娃︰前面有海關同公安，你過去搵佢哋喇。


男子︰我搵過喇，佢哋叫我去中旅社搞喎。


華娃︰係呀，羅湖火車站有間中旅社係同人做臨時通行証架。


男子︰我知，但係做臨時通行証要200蚊架，你可唔可以……。


華娃︰你可以打……。（打電話搵家人）

男子︰我係獨身一個人住㗎，等我過番香港就……。


華娃︰你估我會信你咩，少嚟呢套啦。


當時該名男子在並無解釋又無爭辯嘅情況下立即轉身離開。


   在短短一分鐘的對話中，該名男子已曝露了騙子的身分︰


（1） 一般人的身分證都會用膠套來保護証內晶片的，該膠套亦很耐用及不容

易損毀，但該男子的無套身分證卻甚為殘舊，確實令人懷疑。


（2） 絶大多數人都會把身分證與回鄉証咭一同擺放的，如被盜竊理應一同失

去，為何只是失去回鄉咭？


（3） 辦理臨時通行証一事，很多港人都未必清楚如何處理，但該男子卻連費

用多少都知道，唔通佢時常唔見証嘅咩？


（4） 佢雖然係獨身一個人住，唔通連親戚、損友都無一個？


  ( 5 )  一個人被〝冤枉〞了卻不作抗辯或解釋，我敢肯定他是騙子。